www.people.ge
სარეკლამო ადგილი - 2
475 x 100
სარეკლამო ადგილი - 3
475 x 100
14:27 13.02.2013
არასამთავრობოები საქართველოს ევროპული კურსის უცვლელობის უზრუნველყოფაზე განცხადებას ავრცელებენ

არასამთავრობო ორგანიზაციები საქართველოს ევროპული და ევროატლანტიკური პოლიტიკური კურსის უცვლელობის უზრუნველყოფის შესახებ განცხადებას ავრცელებენ , რომელსაც "ინტერპრესნიუსი" უცვლელად გთავაზობთ.

"2012 წლის 1 ოქტომბრის საპარლამენტო არჩევნების შემდეგ საქართველოს ხელისუფლებამ მკაფიოდ განაცხადა, რომ არ აპირებს გადაუხვიოს ქვეყნის პრო-დასავლურ ორიენტაციას და საგარეო პოლიტიკურ კურსს. დღეს შექმნილია უნიკალური ვითარება, როდესაც შესაძლებელია საკანონმდებლო გარანტიების გზით ფართო საზოგადოებრივი და პოლიტიკური კონსენსუსის დაფიქსირება საგარეო პოლიტიკის ვექტორის უცვლელობასთან დაკავშირებით.

ქვეყნის უსაფრთხო განვითარებისთვის ალტერნატივა არ გააჩნია საქართველოს დემოკრატიულ კურსს, ევროპულ და ევრო-ატლანტიკურ ინსტიტუტებში ინტეგრაციას, ქვეყნის ტერიტორიული მთლიანობის აღდგენას, რუსეთის საოკუპაციო ჯარების საქართველოდან გასვლას და დევნილების ღირსეულად და უსაფრთხოდ დაბრუნებას. საქართველოს ნატო-სა და ევროკავშირში ინტეგრაცია საქართველოს მოსახლეობის უდიდესი უმრავლესობის მკაფიოდ გამოხატული და დადასტურებული ნებაა, ამიტომ საქართველომ არ უნდა გადადგას ისეთი ნაბიჯები, რომლებიც საფრთხეს შეუქმნის ქვეყნის ევროპული და ევროატლანტიკური ინტეგრაციის პროცესს. საქართველოს ინტერესებში არაა და, შესაბამისად, ქვეყანა არასოდეს უნდა შევიდეს დსთ-ში, ევრაზიულ კავშირში, კოლექტიური უსაფრთხოების ხელშეკრულების ორგანიზაციაში, ან პოსტ-საბჭოთა სივრცეში აღმოცენებულ რომელიმე სხვა გაერთიანებაში, სადაც მკაფიოდ არის გამოხატული რუსეთის დომინანტური როლი.

მისასალმებელია, რომ ქვეყნის ეს პრიორიტეტები ნათლად არის ასახული ეროვნული უსაფრთხოების კონცეფციაში, საქართველოს საგარეო პოლიტიკის სტრატეგიაში, ასევე სხვა სტრატეგიული ხასიათის დოკუმენტებში. ამასთან, ხაზგასმით აღვნიშნავთ, საქართველოს საგარეო პოლიტიკურ არჩევანში სრული სიცხადის შესატანად კარგი იქნება, თუ საქართველოს საკანონმდებლო ორგანო მოახდენს ქვეყნის საგარეო პოლიტიკური კურსის უცვლელობის უზრუნველყოფას რაც შეიძლება მაღალი დონის საკანონმდებლო აქტით.

მოხარული ვართ, რომ როგორც უმრავლესობა, პრემიერ-მინისტრი და მთავრობა, ისე უმცირესობა და პრეზიდენტი თავიანთ განცხადებებში ადასტურებენ საგარეო პოლიტიკური კურსის ცვლილების დაუშვებლობას. ამ კონტექსტში ჩვენ მივესალმებით როგორც საპარლამენტო უმრავლესობიდან წამოსულ ინიციატივას, რომ შედგეს ინტერფრაქციული შეთანხმება საგარეო პოლიტიკურ კურსთან დაკავშირებით, ისე საპარლამენტო უმცირესობის მიერ გაცხადებულ წინადადებას, რომ მოხდეს საგარეო პოლიტიკური კურსის საკონსტიტუციო დონეზე გამყარება. მოვუწოდებთ საქართველოს პარლამენტის წევრებს როგორც უმრავლესობიდან, ისე უმცირესობიდან, რომ გამოიყენონ მათ ხელთ არსებული ყველა საკანონმდებლო ინსტრუმენტი და სამივე შესაძლებელი ფორმით (ინტერ-ფრაქციული შეთანხმება, კანონი საგარეო პოლიტიკის შესახებ და საქართველოს კონსტიტუციის ცვლილება) გაამყარონ საქართველოს საგარეო პოლიტიკური კურსის უცვლელობა. აქვე აღვნიშნავთ, რომ ჩვენ მზად ვართ აქტიურად ჩავერთოთ ამ თემის ირგვლივ მიმდინარე სამოქალაქო განხილვის პროცესში, როგორც პარლამენტში, ისე მის გარეთ", - ნათქვამია განცხადებაში. განცხადებას ხელს 17 ორგანიზაცია აწერს, ხელმომწერი ორგანიზაციები არიან GRASS (საქართველოს რეფორმების ასოციაცია);

სიდა (სამოქალაქო განვითარების სააგენტო); საქართველოს სტრატეგიისა და საერთაშორისო ურთიერთობების კვლევის ფონდი (GFSIS); საქართველოს ატლანტიკური საბჭო; საქართველოს დემოკრატიული ინიციატივა (GDI), სტრატეგიული კვლევების ინსტიტუტი (GISS); სტრატეგიისა და განვითარების ინსტიტუტი; პოლიტიკის ანალიზის ცენტრი (TCPA); ახალი ეკონომიკური სკოლა; კოალიცია ევროპული საქართველოსთვის; რელიგიათა კვლევის ცენტრი; ქართველ თავადაზნაურთა საზოგადოება; ქართველთა და საქართველოში მცხოვრებ ეროვნულ უმცირესობათა ინტერესებისა და კულტურული მემკვიდრეობის დაცვის ასოციაცია; ცოდნის ფონდი; სუფთა პოლიტიკა; გეოპოლიტიკური კვლევების საერთაშორისო ცენტრი და დემოკრატიის და უსაფრთხოების ინსტიტუტი (IDS).

სარეკლამო ადგილი - 24
630 x 250
კომენტარები:
დაამატე კომენტარი (მაქსიმუმ 2000 სიმბოლო)

სახელი (მაქს. 20 სიმბოლო)

ელ–ფოსტა (არ გამოქვეყნდება)




გამოკითხვა
ეთანხმებით თუ არა პრეზიდენტის არჩევის წესის ცვლილებას?
შედეგი
ხმის მიცემა
სიახლეები
წაიკითხა გაიზიარა კითხულობენ
ისინი დაბრუნდნენ (ვიდეო)
ოჯახი თავლაში, რომელიც პურით და ხახვით იკვებება (ვიდეო)
მეჩითოვი: ქართველებმა ყოველ დღე უნდა დალიონ რუსეთის სადღეგრძელო (ვიდეო)
პირველი განხეთქილება ივანიშვილის ხელისუფლებაში - კალაძე მიდის...
რასმუსენი ივანიშვილის მთავრობის მიერ პოლიტიკური ოპონენტების დაპატიმრებას აპროტესტებს
საგანგებო განცხადება მართვის მოწმობის აღებასთან დაკავშირებით
დაუბეგრავი მინიმუმის დაბრუნება 1 აპრილიდან დაიწყება
ივნისი 2020
ივნისი 2020
ივნისი 2020
ორშსამშოთხხუთპარშაბკვ
1234567
891011121314
15161718192021
22232425262728
293012345
ვალუტა ამინდი
USD3.0416
EUR3.4087
GBP3.8294
RUB4.429
თბილისი 14°-31°
ქუთაისი 15°-27°
ბათუმი 17°-19°
მთავარი
2015-06-10
visitor 15 878
visit 17 972
page 34 349
2015-06-11
  3 736
  3 867
  7 201
  რეკლამა საიტზე
ტელ.: 599 877-901
555 728-962
[email protected] Information Technologies
www.people.geCopyright © Presa.ge, 2012, Tbilisi, Georgia